Mere maut ka tamasha..

Maut ek aisi haqiqat hai jise aap jhutla nahi sakte. Kisi behad samajhdar insaan ne sahi kaha hai ki “Taklif toh zindagi deti hai, Maut toh yu hi badnaam hai”. Kabhi kisi mrut insaan k chehre ko gaur se dekhiyega ek masoom bachaa gehri neend may jaise sota hai waise hi mrut vyakti b iss sansaar k moh maya se alag apni nishchint nend may hota hai. So lo hume b ye nichchint neend hasil ho hi gayi. Apne zanaze par lete hai fir that humare that rajao se kam nie. Mere chahne walo ki umdi bhid dekhke mujhe bada sukoon mehsus hua. Kyuki agar mujhse koi puchle ki zindagi may aap kya kamaoge toh mein keh du unse “mere zanaze ki bheed”.

Pehle panti may ghar wale the, maa rone may vyast thi pitaji riwaaj pura karne may par inse b jada koi vyast tha toh wo the mere rishtedar jo apne apne riwaaj pure karwana chahte the meri aatma ki shanty k liye. Mere jiteji toh kisine mera haal tak naa liya hoga par aaj sabko kai riwaz sujh rahe the. Koi kuch mangwa raha that toh koi kuch ve log meri aatma ki trupti ko apna jivan yudh bana kar yudh istar pe kaam kar rahe the. Pitaji unke piche bhag rahe the aur saathe mere cousins jinko meri gair hazri may aaj mere kaam diye jaa rahe the, koi kirane k dukaan par sar phod raha tha toh koi bichayat Kendra wale se kursio k liye jhagad raha tha. Kash wo mujhe achese vidaai de paate shayad wo bhul gaye the mein jaa nie chukaa hu mein jaa raha hu. Dusri, tesri panktiya rishtedaaro ne gher li thi.

Chauthi pankti aur ghar k bahar mohalle walo ka pehra tha. Aaj wo mujhe usi tarah vidaai dene aaye the jis tarah who mere result puchne aaya karte the taaki unhe pata chale ki unke bachoo se kahi jada naa laa baitha hu mein number. Wo aaj b usi nishpaap nazar se mujhe dekh rahe the jaise wo dekha karte the jab mein ghar party se late aata tha. Unki nazre aaj bhi mujhe usi shiddat se nihaar rahi thi jis shiddat se wo mujhe laet aate hue dekhkar andaza lagate the ki lagta hai pikar aaya hai, ya usi shiddat se jab meri koi female friend ghar par aati thi. Par padosi aapke sache sathi hote hai zanaze ki bheed ko paani pilane ka unka yogdaan atulniya hai aur mein maut k baad b unka karzdar hu iske liye.

Ghar k ekdum bahar road pe mere dosto ka kabza tha. Mera sabse karibi dosto k aankho may aansu toh nie aaye par uske dil ki tiss mein dekh sakta tha. Par ye sirf kuch logo k sath tha baaki dosto ko ye dost khinch laye the aur dost log b riwaj nibhane may koi kam nahi hote hai aapka birthday ho ya death day aate sabke sab gang may hai. Bechare kafi samay dukhi reh gaye toh bichme mazaak b shuru hogaya, jaise humesha ek dusre ki tang khichai hoti thi waise hi shuru hogai, ek dost ne dusre se kaha kamine dhire marr joke apan kisike maiyyatt may aaye hai. Ab wo dhire mare joke ya jor se mare fark kya padna tha. Kuch dost toh maiyatt pe aayi mere rishtedaro ki sundar ladkio ko niharne lage. Ab koi marr gaya hai toh jivan samapt thodi hota hai unko b apna ghar basana hai.

Sabse ajeeb mujhe apne aala adhikariyo ko dekhke lag raha tha. Unke chehre par dard samajh aaraha tha. Wo mujhe yaad bhi kitne shiddat se kar rahe the, “Ye audit bahot achaa karta tha” “Haan report ka kabhi tension hi nie hua jab tak ye tha, report apne time par ban hi jaati thi” “waise iss baar isko kaun replace karega”. Jinko khush rakhne may meine apni zindagi k mahatvapurn waqt nikal diya aaj wo mere janaze may mera utarradhikari ka chayan kar rahe hai. Aap isko professionalism bula sakte hai.  

Ab naye rishtedaro ki bheed b aagai jo aakar mere shav se jada mere pitaji se khafa the ki unhone unhe bataya nie. Beta marr jaane ki khabar koi gaa gaa kar sunata hai kya. Ab we log aagaye aur sabse kone wali jagah le li. Waqt guzaarne idhar udhar ki baatein shuru hogai. Ek boli”mere bhai k liye ladki dhund rahe hai koi ho toh batao” “Aray woh bisen sahab ki ladki hai nah uske liye b toh dhund rahe hai” Ye lo mere janaze may kisiki match making shuru hogai. Kuch auntiya toh chugli khatam karne taiyaar hi nie the par kya kare meri chita ko agni b toh deni thi nah.

Toh istarh sab apne karyo se waqt nikalke meri antim yatra may sharik hue unko mein tahe dil se shurkiya karta hu.

Alvidaa…

Kindly tick on the below mentioned reaction so that I will be able to know how was it.